महाउद्योजक फोरम

About

मराठी उद्योजक मित्रांनो नमस्कार,
मी ज्ञानेश्वर काशिद.. तुमच्यासारखाच एक  मराठी व्यावसायिक.
घरी कुठलीही व्यवसायिक पार्श्वभूमी नसताना, गेल्या 16 वर्षांपासून डिजिटल मार्केटिंग, मल्टीमीडिया, पर्यटन, वेलनेस शेती आणि आता आर्टिफिशियल इंटेलिजन्स या क्षेत्रात कार्यरत आहे.
मित्रांनो , व्यवसाय करत असताना तुमच्या आजूबाजूला तुम्ही इतर जे व्यवसायिक आहे त्यांच्याकडे बघितले, तर तुमच्या एक गोष्ट लक्षात येईल. त्यांच्यापैकी प्रत्येकाची कुठे ना कुठे एक बिझनेस कम्युनिटी आहे. जी व्यवसाय वाढीसाठी एकमेकांना मदत करते.
मराठी उद्योजकांसाठीही काही लोक चांगल काम करत आहे.
मात्र विविध व्यवसायांसाठी डिजिटल मार्केटिंग क्षेत्रात काम करत असताना माझ्या असं लक्षात आलं, की मराठी माणूस सर्विसेस, मॅन्युफॅक्चरिंग, गुड्स या सगळ्या गोष्टी मध्ये अगदी प्रामाणिक आणि दर्जेदार काम करतो. मात्र बऱ्याच वेळा पोटेन्शिअल कस्टमर पर्यंत पोहोचण्यासाठी एक सस्टेनेबल सिस्टीम उभी करण्यात तो कमी पडतो.
आधुनिक तंत्रज्ञान, क्रिएटिव्ह पब्लिसिटी या गोष्टींचा वापर पाहिजे तितक्या प्रमाणात मराठी उद्योजक करून घेत नाही. ( काही सन्माननीय अपवाद वगळता )
परिणामी पाहिजे तितकी यश शक्य असून सुद्धा पदरात पडत नाही.
मी स्वतःही या चुका केलेल्या आहेत.
आज असे वाटते की, जर आपल्याला योग्य मार्गदर्शन आणि कम्युनिटी सपोर्ट असता तर आपल्या प्रगतीचा वेग अजून जास्त असता,
मराठी नवउद्योजकांना संपूर्ण सपोर्टआणि मार्गदर्शन करणारा एक परफेक्ट प्लॅटफॉर्म असावा असं गेल्या काही वर्षांपासून माझ्या डोक्यात होतं. आणि म्हणूनच आपल्या मराठी उद्योजकांसाठी आम्ही "महाउद्योजक फोरम" या कम्युनिटीची उभारणी करत आहोत. ज्यात आपण पुढील दोन वर्षात सुमारे 10,000 मराठी उद्योजकांना सामावून घेणार आहोत.
1.बिझनेस बाराखडी
2.व्यवसायासाठी ग्राफिक डिझाईन आणि व्हिडिओ एडिटिंग
3. आर्टिफिशियल इंटेलिजन्स कंटेंट क्रिएशन
4. बिझनेस डिजिटल मार्केटिंग
5. तसेच विविध व्यावसायिक वर्कशॉपचे आयोजन करणार आहोत.
हे कोर्सेस आपल्या सहजसोप्या मराठी भाषेत उपलब्ध असणार आहे.. 

इतकेच नाही तर कम्युनिटी मेंबर्स साठी वेळोवेळी बिजनेस रजिस्ट्रेशनसाठी लागणारी व्यावसायिक कागदपत्रे, लायसन्स यांच्या प्रक्रियेत योग्य माहिती, सरकारी योजना यांची व्यवस्थित माहिती मिळावी यासाठी टोल फ्री नंबर चालू केला आहे. ( 9529632696 )

तसेच दुसऱ्या टप्प्यात म्हणजेच साधारणपणे ऑक्टोबर 2026 मध्ये आपण

1. 100 उद्योजकांना प्रत्येकी एक महिना डिजिटल मार्केटिंग सेवा मोफत देणार आहोत.

2. त्याचप्रमाणे एकूण 10 उद्योजकांना व्यवसाय वाढीसाठी बिजनेस फंडिंग देणार आहोत .  हे उद्योजक महाउद्योजक फोरमच्या माध्यमातून अनुभवी व्यावसायिक कमिटीच्या गुणांकनानुसार निवडले जातील.
3. तसेच महाउद्योजक फोरम या यूट्यूब चैनलच्या माध्यमातून विविध यशस्वी व्यावसायिकांच्या यशोगाथा आणि बिझनेस आयडिया, मोफतपणे महाउद्योजक फोरम मेंबर्ससाठी उपलब्ध करून देणार आहोत.
4. तसेच जे हजारो व्यावसायिक आपल्या महाउद्योजक फोरमच्यामध्ये समाविष्ट होत आहे, असे सर्व व्यावसायिक एकमेकांना पूरक असतील म्हणजेच एकमेकांना व्यवसाय वाढीसाठी मदत करतील. ( Free Business Listing )

आणि तिसऱ्या टप्प्यात. जानेवारी 2027
1. ज्यांना कुणाला वेगवेगळे व्यवसाय सुरू करायचे आहे, अशा नवउद्योजकांना फूड, वेलनेस, टेक्नॉलॉजी, पर्यटन, एग्रीकल्चर अशा विविध क्षेत्रांतील सुमारे 30 हजार रुपये ते 5 लाख रुपये इन्व्हेस्टमेंट असणाऱ्या आणि मासिक 10,000 ते 1 लाख रुपये निव्वळ नफा मिळवून देणाऱ्या फ्रेंचाईजी देऊन, पुढील वर्षभरात त्या सर्वांना त्यांच्या व्यवसायात स्थिरस्थावर करायचे आहे.
2. आणि सर्वात महत्वाचे म्हणजे  वेगवेगळ्या होतकरू व्यावसायिकांशी व्यावसायिक भागीदारी करून त्यांच्या व्यवसायासाठी भांडवल उपलब्ध करून देणे हे काम सुद्धा महाउद्योजक फोरमच्या माध्यमातून आपण करणार आहोत. ( Business Funding )

हे सर्व करत असताना आपल्याला खूप जास्त लोकांची गरज नाही, प्रामाणिक होतकरू आणि व्यवसाय उत्कर्ष व्हावा असा मानस असणाऱ्या 10,000 मराठी उद्योजकांना आपण सोबत घेतोय. आणि सर्वच्या सर्व उद्योजकांना शाश्वत उत्पन्न कसे मिळेल, यासाठी आपण सर्वतोपरी प्रयत्न करणार आहोत.
तुम्ही जॉब करत असाल, बिझनेस करत असाल किंवा भविष्यात बिझनेस करायचा विचार करत असाल तर महाउद्योजक फोरम तुमच्यासाठी एक सर्वोत्तम संधी आहे.
कारण आपल्या मराठीत एक जुनी म्हण आहे.
" एकीचे बळ अन मिळते फळ. "

त्यामुळे आपणा सर्वांचे नक्कीच येथे स्वागत असेल.
धन्यवाद. 

ज्ञानेश्वर काशिद ( M.B.A. I.T. )
Founder - महाउद्योजक फोरम